Na Steven Augustino,
Tunduru.
MKAZI mmoja wa kijiji cha Tinginya tarafa ya Nakapanya
wilayani Tunduru, Ruvuma amekutwa mwili wake ukiwa umetupwa katika mashamba ya
kijiji hicho, baada ya kuuawa kikatili na kujeruhiwa sehemu mbalimbali za mwili
wake.
Marehemu ametambuliwa kwa jina la Abdallah
Kingunge(35) ambapo kwa mujibu wa
mashuhuda wa tukio hilo walisema, tukio hilo lilitokea usiku wa kuamkia Januari
4 mwaka huu.
Walifafanua kuwa mkasa huo umewasikitisha wengi na kuleta
gumzo katika kijiji hicho na kutajwa kuwa huu ni mwanzo mbaya kwao kwa mwaka huu
ni sawa na kutia nuksi kwa wanakijiji wa Tinginya ambao daima huishi kwa amani
na upendo.
Kijana huyo inadaiwa amekutwa na mauti kutokana na
kifo chake kuhusishwa na ugomvi wa kimapenzi.
Waliendelea kufafanua kuwa mkasa wenyewe ulianza baada
ya marehemu Abdallah, kukutwa akijistarehesha kwa kinywaji cha pombe ya jadi
nyumbani kwa mwanakijiji mwenzake aliyefahamika kwa jina la Anusa said ambaye
ni muuzaji wa Pombe hizo.
Walisema akiwa mahali hapo ndipo sokomoko likazuka
kwani tayari marehemu alikuwa
akituhumiwa muda mrefu kuwa na mahusiano ya kimapenzi na mke wa Anusa Said
aitwaye Mwanahamis Said.
Walisema uwepo wake mahali hapo ndiko kuliko
unganishwa na tukio hilo baada ya taarifa za awali za uchunguzi, kuonesha kuwa
tayari kulikuwa na kutafutana na hata kurushiana maneno kati ya Anusa na
mtuhumiwa wake wa ugoni marahemu Kingunge.
Taarifa zilizotolewa na mganga aliyeufanyia uchunguzi
mwili wa marahemu huyo, Dkt. Jeshi Daraja zinasema kuwa chanzo cha kifo hicho
ni kutokwa na damu nyingi kuliko sababishwa na kuchomwa kisu Tumboni, shingoni
na kifuani.
Kamanda wa Polisi mkoa wa Ruvuma Deusdedith Nsemeki
alisema mwili wa Abdallah umekutwa alfajiri ukiwa umetupwa mashambani huku
ukiwa na majeraha ya kupigwa na vitu vizito na vitu vyenye ncha kali.
Kamanda huyo wa polisi alieleza kuwa tayari Polisi
inawashikilia Anusa na mkewe Mwanahamis kwa tuhuma za mauaji hayo hadi
uchunguzi utakapokamilika watafikishwa mahakamani.
No comments:
Post a Comment