Na Julius Konala,
Songea.
MBUNGE wa viti
maalumu wanawake kupitia tiketi ya Chama Cha Mapinduzi (CCM) mkoani Ruvuma, Jacqline
Msongozi ametoa msaada wa kadi kwa ajili ya huduma za matibabu (CHF) kwa
wajumbe 30 wa Jumuiya ya Wanawake Tanzania (UWT) wa wilaya ya Songea mkoani
humo.
Msaada huo ambao
unathamani ya shilingi 300,000 umetolewa juzi na Mbunge huyo, wakati alipokuwa
akizungumza katika kikao cha baraza la wanawake hao kwa lengo la kuwashukuru
kwa kumchagua kuwa mwakilishi wao, kilichofanyika mjini hapa.
 |
| Jaqcline Msongozi. |
Akizungumza katika
kikao hicho, Jaqcline amewataka wanawake hao kuunga mkono jitihada za Rais wa
Jamhuri ya Muungano wa Tanzania Dkt. John Magufuli kwa kuhamasishana kujiunga
na mfuko wa bima ya afya, ili waweze kuondokana na mzigo wa gharama kubwa za
matibabu pale wanapougua.
“Taifa lenye
wananchi wagonjwa haliwezi kupiga hatua mbele ya kimaendeleo nawataka hakikisheni
mnajiunga na mfuko huu wa bima ya afya, pamoja na kujiunga kwenye vikundi vya
ujasiriamali kwa lengo la kuinua uchumi wenu na Taifa letu kwa ujumla”,
alisema.
Kikao hicho
kilikwenda sambamba na mafunzo ya elimu ya ujasiriamali, yaliyokuwa
yakiendeshwa na wataalamu wa kutoka Chuo cha Mafunzo ya Ufundi Stadi (VETA)
mjini Songea, pamoja na elimu ya kujiunga na mfuko wa bima ya afya ambayo
yaliwezeshwa na Mbunge huyo.
Aidha alisisitiza
kwa kuwataka wanawake hao, kutumia vyuo vya ufundi stadi kwa lengo la kujipatia
ujuzi wa ushonaji wa nguo, upambaji, upishi pamoja na shughuli nyingine za
ufugaji wa kuku wa mayai.
Naye Mwenyekiti wa
CCM wilaya ya Songea, Marry Duwe aliwataka wanawake hao pia kujikita katika
shughuli mbalimbali za maendeleo, kuvunja makundi na badala yake watoe
ushirikiano kwa viongozi wao ili kuweza kufikia malengo yaliyokusudiwa.
Kwa upande wao
baadhi ya wajumbe wa kikao hicho wamempongeza Mbunge huyo kwa moyo wake wa
kukumbuka kupita kushukuru, kuwapa msaada wa kadi hizo za matibabu pamoja na
kuwapatia mafunzo ya ujasiriamali na mfuko wa bima ya afya.
No comments:
Post a Comment