Na Mwandishi Wetu,
MSAFARA wa Katibu wa Itikadi na Uenezi wa Chama Cha Mapinduzi
(CCM) Taifa, Hamphrey Polepole umepata ajali katika eneo la kijiji cha
Nyamidaho, Kata ya Makere Wilayani Kasulu Mkoani Kigoma.
Ajali hiyo imehusisha gari aina ya Toyota V8 yenye namba za
usajili T 150 EWE iliyokuwa ikiendeshwa na dereva aliyefahamika kwa jina moja
la, Kibuta wakati wakielekea leo katika ziara ya kiongozi huyo Wilayani
Kakonko, Mkoani humo.
Kamanda wa Polisi Mkoa wa Kigoma, ACP Martin Otieno
amethibitisha kutokea kwa ajali hiyo na kueleza chanzo cha ajali hiyo kuwa ni
kupasuka kwa gurudumu la nyuma, upande wa kulia.
Kwa mujibu wa Kamanda Otieno alisema kuwa waliojeruhiwa ni
pamoja na Katibu wa CCM Mkoa, Naomi Kapambala, Mwenyekiti wa Umoja wa Vijana wa
Chama Cha Mapinduzi (CCM), Sylivia Sigura pamoja na Katibu Mwenezi, Feruz ambao
wamekimbizwa katika Hosiptali ya Wilaya ya Kibondo kwa matibabu zaidi.
Polepole amewasili leo Mkoani Kigoma na kupokelewa Wilayani
Uvinza akitokea Mkoa wa Tabora ambapo atakuwa Kigoma kwa takribani siku tatu
katika ziara yake kikazi.
No comments:
Post a Comment