TAASISI ya Kuzuia na Kupambana na Rushwa
(TAKUKURU) hapa nchini imemuachia aliyekuwa Rais wa Chama cha walimu Tanzania (CWT)
Gratius Mukoba bila kumfikisha Mahakamani.
Kamanda wa TAKUKURU mkoa wa Dodoma,
Emma Kuhanga alisema kuwa Mukoba hakupelekwa Mahakamani kama
ilivyotakiwa.
“Hapana hatujampeleka Mahakamani, tulikwisha
muachia ni hivyo kwamba Mahakamani hakupelekwa”, alisema Kuhanga.
Mwishoni mwa wiki taasisi hiyo ilimkamata
Mukoba kwa madai ya kujihusisha na ugawaji wa rushwa kwa wajumbe na alitarajia
kufikishwa Mahakamani leo.
Kadhalika alipoulizwa iwapo Rais huyo
wa zamani wa CWT ataitwa tena au taasisi yake imeona hana hatia, Kamanda
Kuhangwa alisema; “wewe elewa kuwa hatujampeleka Mahakamani lakini tumemwachia”.
No comments:
Post a Comment